សកម្មភាពចុះដាំដើមឈើនៅតំបន់បឹងពារាំងដែលដឹកនាំដោយលោក ភួងលីណា ប្រធានមន្ទីរបរិស្ថានខេត្តសៀមរាប លោកស៊ីមឈីវឈានពិសិដ្ឋ អនុប្រធានមន្ទីរបរិស្ថាន និងចូលរួមដោយ សហគមនេសាទចុងឃ្នៀស សហគមប្រើប្រាសទឹកសង្កាត់ជ្រាវជ្រាវ ចៅសង្កាត់ចុងឃ្នៀស មន្ត្រីរាជការ និងប្រជាពលរដ្ឋនៅក្នុងសហគម សរុបមានចំនួនជាង១រយនាក់ ក្រោមជំនួយឧបត្ថមរបស់អង្គការហ្វេក (FACT) កាលពីថ្ងៃអាទិត្យទី០៣ ខែមិថុនា ឆ្នាំ២០១៦ម្សិលមិញនេះ។
លោក ភូងលីណា ប្រធានមន្ទីរបរិស្ថានខេត្តសៀមរាបបានប្រាប់អ្នកសារព័ត៌មានថា ការបង្កើតតំបន់បឹងពារាំងទៅជាតំបន់អភិរក្សគឺដើម្បីការពារអភិរក្សជីវចំរុះ ដូចជាព្រៃលិចទឹក ពពួកមច្ឆា និងសត្វស្លាបទឹក ហើយការដាំដើមឈើថ្ងៃនេះវាជាសារមួយដល់ប្រជាពលរដ្ឋនៅតំបន់ព្រៃលិចទឹកនេះ អោយចេះថែរក្សាធនធានធម្មជាតិ ចេះចូលរួមអភិរក្សព្រៃលិចទឹក នាំគ្នាដាំព្រៃលិចទឹកឡើងវិញទាំងអស់គ្នា។ ព្រៃលិចទឹកគឺជាសំបុកត្រីពងកូន ជាចំណីត្រី ជាជំរកសត្វស្លាបទឹក ក៏ជារនាំបាំងខ្យល់ដ៏សំខាន់បំផុតដែលយើងមិនអាចអត់ព្រៃលិចទឹកបានទេ។ លោកភូងលីណាបានបន្តថា យើងមានគំរោងដាំដើមឈើ៨០០ដើមនៅឆ្នាំងនេះ តែថ្ងៃនេះនៅតំបន់នេះគឺដាំងជាត២០០ដើមសិន ហើយកូនឈើដែលនៅសល់ទុកដាំនៅតំបន់ផ្សេងៗទៀត ក្នុងសង្កាត់ចុងឃ្នៀស សង្កាត់ជ្រាវ និងសង្កាត់សៀមរាប ដែលមានផ្ទៃដីចំនួន៣០៩៨ហិកតា ចំណែកឯតំបន់អភិរក្សអូរាំងស្រោងនៅខាងស្រុកពួកមានផ្ទៃដីជាង៤ពាន់ហិកតាផងដែរ។ លោកភួងលីណាបន្ថែមថា ឆ្នាំ២០១៥-២០១៦នេះអាកាសធាតុប្រែប្រួល រាំងស្ងួត បណ្តាលអោយខ្វះទឹកប្រើប្រាស ក្តៅហួតហែង បណ្តាលអោយភ្លើងឆេះព្រៃរហូតដល់ជិត១សប្តាហ៍ក៏មាន ដែលតំបន់ខ្លះយើងមិនមានលទ្ធភាពអាចពន្លត់បាន ដូចជានៅខាងប្រេកទាល់ ខាងកំពុងភ្លុងនិងកែវពណ៍ជាដើម តែតំបន់ពារាំងយើងមានឡានទឹកអាចចូលពន្លត់បានហើយភ្លើងឆេះព្រៃនៅតំបន់ខាងចុងឃ្នៀស បានប្រើប្រាសឡានទឹករបស់ស្នងការ ឡានទឹករបស់អាវុធហត្ថ និងឡានទឹករបស់មន្ទីរបរិស្ថាន។ លោកបានបន្ថែមថា នៅខេត្តសៀមរាបភ្លើងឆេះព្រៃកាលពីរដូវប្រាំងកន្លងទៅថ្មីៗនេះ គឺឆេះអស់ជិត១ពាន់ហិកតា។ លោកភួងលីណាបន្តថា ទន្ទឹមនិងការអភិរក្ស យើងក៏មានការភិរឌ្ឍន៍ផងដែល ហើយតំបន់បឹងពារាំងនេះគឺយើងអភិវឌ្ឍន៍តាមបែបទេសចរណ៍ធម្មជាតិ តែមុនអភិវឌ្ឍន៍យើងត្រូវអភិរក្សមុនសិន ដើម្បីអោយវាសំបូរបែបខាងធនធានធម្មជាតិ និងមានសោភ័ណ្ឌភាពល្អ សំរាប់បង្អួតភ្ញៀវទេសចរណ៍ជាតិ និងអន្តរជាតិ។ លោក ភួងលីណា បានបន្ថែមថា នៅតំបន់បឹងពាររាំងគឺល្អស្អាតជាងតំបន់ផ្សេងឆ្ងាយណាស់សំរាប់ភ្ញៀវទេសចរណ៍ ព្រោះតំបន់នេះមានទឹក មានត្រី មានព្រៃព្រឹក្សាអ្នកតាវល្លិ មានសត្វស្លាបទឹករាប់ម៉ឺនក្បាល ហែហមអមជាមួយនិងទេសភាពធម្មជាតិពិតៗឥក្លែងក្លាយឡើយ។
ជាចុក្រោយលោក ស៊ីមឈីវឈានពិសិដ្ឋ អនុប្រធានមន្ទីរបរិស្ថានខេត្តសៀមរាប បានទទួលចុះហត្ថលេខាទទួលថវិការជំនួយពីអង្គការ ហ្វេក (FACT) ចំនួន៣រយដុល្លារ សំរាប់ការឧបត្ថមការដាំងដើមឈើនៅថ្ងៃទី០៣ដដែលនេះ ហើយថវិការចំនួន៣រយដុល្លារនេះលោក ពិសិដ្ឋបានប្រគល់បន្តទៅអោយខាងសហគមនេសាទចុងឃ្នៀស និងសហគមប្រើប្រាសទឹកសង្កាត់ជ្រាវផ្ទាល់ដៃភ្លាមៗតែម្តង។ លោកពិសិដ្ឋបានផ្តែផ្តាំយ៉ាងទទួចដល់បងប្អូនប្រជាពលរដ្ឋ បងប្អូនខាងសហគម អាជ្ញាធរដែនដី មន្ត្រីរាជការទាំងអស់ អោយចូលរួមការពារថែរក្សា អភិរក្ស អភិវឌ្ឍន៍ តំបន់អភិរក្សបឹងពារាំងនេះទាំងអស់គ្នា ដើម្បីយើងទាំងអស់គ្នានៅថ្ងៃអនាគត ជាពិសេសចូលរួមទប់ស្កាត់អោយបានក្រុមអ្នកកាប់បំផ្លាញព្រៃឈើ អ្នកដុតព្រៃលិចទឹក អ្នកប្រមាញ់សត្វស្លាប អ្នកឆក់ត្រី អ្នកលួចនេសាទខុសច្បាប់ ដូចជាលប អួន ណរ៉ាវ ក្រឡាញឹមជាដើម។
បើទោះជាផ្លូវធ្វើដំណើរទៅបឹងពារាំងរាងឆ្ងាយ ហើយមានភាពលំបាកនៅរដូវភ្លៀងធ្លាក់នេះយ៉ាងណាក៏ដោយ តែគេសង្កេតឃើញថា ទាំងថ្នាក់ដឹកនាំ ទាំងបងប្អូនសហគម និងប្រជាពលរដ្ឋដែលបានទៅចូលរួមដាំងដើមឈើខាងលើនេះ មានភាពសប្បាយរីករាយ ញញឹមញញែម ដោយគិតថា បានចូលរួមភិរក្សព្រៃលិចទឹកដែលជាសម្បត្តិរួម ដើម្បីអនាគតយើងទាំងអស់គ្នា៕ ដោយ៖ ផ្លុងរ៉េត
.jpg)
.jpg)
.jpg)
.png)
.jpg)
.jpg)
.jpg)
.jpg)
