មន្ត្រី មួយចំនួនឲ្យដឹងថា បច្ចុប្បន្ននេះនៅក្នុងខេត្តរតនគិរី លោក សៀង ស៊ីវន មានតួនាទីជាមេបញ្ជាការនគរបាលវរៈការពារព្រំដែនលេខ៣០៣ ប្រចាំខេត្តមណ្ឌលគិរីបានក្លាយជាឈ្មួញរកស៊ីដឹកជញ្ជូនឈើខុសច្បាប់ ទ្រង់ទ្រាយធំ ជាងគេគ្មាននរណាហ៊ាននិយាយ នោះទេ សូម្បីតែលោក កែប តក់ ជានាយខណ្ឌរដ្ឋបាលព្រៃឈើខេត្តមណ្ឌលគិរី ក៏មិនដែលហ៊ានក្អកជាមួយលោក សៀង ស៊ីវន នោះដែរ។
ជាធម្មតាលោក សៀង ស៊ីវន បានប្រើតួរនាទី ជានគរបាលព្រំដែន ក្នុងការប្រមូលទិញឈើប្រណីតប្រភេទធ្នង់ បេង នាងនួន សម្រាប់លក់ដូរបន្តឲ្យក្រុមហ៊ុននិងឈ្មួញកណ្តាល ក្នុងទ្រង់ទ្រាយធំជាងគេ ដែលក្នុងមួយថ្ងៃយ៉ាងហោចណាស់លោក សៀង ស៊ីវន បានរកស៊ីទិញលក់ឈើរង្វង់៦ទៅ១០ម៉ែត្រត្រីគុណ ប្រមូលលុយយកទៅច្រកហោប៉ៅធ្វើមានធ្វើបានផ្ទាល់ខ្លួន និងទុកសម្រាប់ប្រើប្រាស់អភិវឌ្ឍន៍មុខតំណែងយ៉ាងសុខស្រួលបំផុត។ឈើ ប្រណីតខុសច្បាប់ចេញទៅលក់នៅស្រុកយួនយ៉ាង គគ្រឹកគគ្រេងទាំងយប់ទាំងថ្ងៃ ទាំងការដឹកជញ្ជូនចេញតាមច្រកអន្តរជាតិដាក់ដាំ ក៏ដូចជាច្រករបៀងជាច្រើនកន្លែង ស្ថិតក្រោមការគ្រប់គ្រងរបស់នគរបាលវរៈការពារព្រំដែនលេខ៣០៣ នៅខេត្តមណ្ឌលគិរី។
ប៉ុន្តែលោក អេង ប៊ុនហៀង ជាអភិបាលខេត្ត ហាក់ដូចជាធូររលុងមិនបានយកចិត្តទុកដាក់ រឹតបន្តឹងការបង្ក្រាបសកម្មភាពដឹកជញ្ជូនឈើខុសច្បាប់ឲ្យស្របទៅតាម កំណែទម្រង់ស៊ីជម្រៅម្តងណាឡើយ ព្រោះឈ្មួញរកស៊ីឈើខុសច្បាប់ ភាគច្រើនជ្រកក្រោមស្បែកជាកម្លាំងប្រដាប់អាវុធ កំពុងតែក្រអឺតក្រទមយ៉ាងខ្លាំង ដោយសារតែភាពអសកម្មរបស់ពួកគេមិនត្រូវបានអភិបាលខេត្តក្នុងនាមជា ប្រធានគណៈបញ្ជាការឯកភាពខេត្ត ធ្វើការស្តីបន្ទោសឬដាក់ពិន័យ។
លើសនេះទៅទៀត លោក សៀង ស៊ីវន ក៏រងនូវការរិះគន់អំពីករណីឃុបឃិតលួចបើកច្រករបៀងខុសច្បាប់ ស្ថិតក្រោមតំបន់ដែលខ្លួនគ្រប់គ្រងឲ្យក្រុមហ៊ុនរបស់ឧកញ៉ា ទ្រី ភាព នាំចេញឈើប្រណីតទៅលក់នៅស្រុកយួនយ៉ាងអនាធិបតេយ្យបំផុត ហើយលោក សៀង ស៊ីវន ទទួលបានផលប្រយោជន៍ជាច្រើនក្នុងការជួយសម្របសម្រួលបើកច្រករបៀង ខុសច្បាប់សម្រាប់ក្រុមហ៊ុន ទ្រី ភាព រកស៊ីដឹកជញ្ជូនឈើឆ្លងកាត់ព្រំដែន។ យ៉ាងណាក៏ដោយមន្ត្រីជាច្រើនបានដឹងឮពីភាពអសកម្មនិងការប្រព្រឹត្ត អំពើពុករលួយសម្ងំកើបលុយពីការដឹកជញ្ជូនឈើខុសច្បាប់របស់លោក សៀង ស៊ីវន ប៉ុន្តែលោក ញ៉ែម វ៉ាន់នី ដែលជាស្នងការនគរបាលខេត្តមណ្ឌលគិរី បែរជារក្សាភាពស្ងៀមស្ងាត់មិនបានយកចិត្តទុកដាក់កែទម្រង់ភាពអសកម្ម ឬដាក់ពិន័យទៅលើលោក សៀង ស៊ីវន តាមច្បាប់ម្តងណាឡើយ មិនដឹងជាមានអាថ៌កំបាំងអ្វី។
លោក សៀង ស៊ីវន មិនត្រឹមតែប្រើតូនាទី ជាមេបញ្ជាការនគរបាលវរៈការពារព្រំដែន លេខ៣០៣ ប្រចាំខេត្តមណ្ឌលគិរីទៅប្រឡូកក្នុងជំនួញឈើខុសច្បាប់ទ្រង់ទ្រាយធំ ប៉ុណ្ណោះទេ គឺថែមទាំងបំពានលើភារកិច្ចតួនាទីរបស់ខ្លួន តាមរយៈការឃុបឃិតបិទភ្នែកលួចបើកច្រករបៀងខុសច្បាប់ឲ្យក្រុមហ៊ុន ទ្រី ភាព ដឹកជញ្ជូនឈើយកទៅលក់នៅស្រុកយួនយ៉ាងអនាធិបតេយ្យបំផុត។ សព្វថ្ងៃលោក សៀង ស៊ីវន កំពុងប្រព្រឹត្តផ្ទុយទៅនឹងសេចក្តីណែនាំរបស់លោក ហ៊ុន សែន និងបំពានទៅលើយុទ្ធសាស្ត្រកំណែទម្រង់ស៊ីជម្រៅដល់ទៅ១៨០អង្សារឯណោះ ប៉ុន្តែគ្មាននរណាហ៊ានហើបមាត់ជាមួយលោក សៀង ស៊ីវន នោះទេទើបរហូតមកដល់ពេលនេះលោក សៀង ស៊ីវន បានក្លាយជាមេឈ្មួញរកស៊ីឈើដ៏ធំជាងគេប្រចាំខេត្តមណ្ឌលគិរី និងជាមន្ត្រីនគរបាលដែលហ៊ានឃុបឃិតបិទភ្នែកលួចបើកច្រករបៀង ខុសច្បាប់ឲ្យក្រុមហ៊ុន ទ្រី ភាព ដឹកឈើចេញទៅលក់នៅស្រុកយួន យ៉ាងក្រអឺតក្រទមបំផុត៕
.jpg)
.jpg)
.jpg)
.png)
.jpg)
.jpg)
ជារៀងរាល់ថ្ងៃគេសង្កេតឃើញថា ក្រុមឈ្មួញរកស៊ីដឹកឈើខុសច្បាប់តាមរថយន្តគ្រប់ប្រភេទ គោយន្តកន្រ្តៃ និងរទេះគោ បានចរាចរណ៍យ៉ាងអាណាធិប្បតេយ្យតាមដងផ្លូវពីចំណុចស្រុកគូលែនខេត្...Read more
យើងខ្ញុំចាងហ្វាងសារព័ត៌មាន កម្ពុជាសុវណ្ណភូមិ មានកិត្តិយសសូមជំរាបជូនដំណឹងដល់សាធារណជន អាជ្ញាធរដែនដី និងមន្ត្រីរាជការគ្រប់ជាន់ថ្នាក់អោយបានជ្រាបថា អង្គភាពសារព័ត៌មាន កម្ពុជាសុ...Read more
ក្មេងស្រីអាយុ៦ឆ្នាំម្នាក់ បានស្លាប់បាត់បង់ជីវិត ក្រោយពីហូបនំកញ្ចប់ យីហោ «Vong Na Ta» ដែលជាផលិតផលប្រទេសយួន បង្កឲ្យមានការភ្ញាក់ ដល់ប្រជាពលរដ្ឋ ។ករណីនេះ បានកើតឡើង កាលពីវេលាម៉ោង ៨ព្រឹកថ្ងៃទី១៥...Read more
យោងតាមសេចក្តីរាយការណ៍ពីសារព័ត៌មានវៀតណាមបានអោយដឹងថា ទូកវៀតណាមពីរគ្រឿង បានលិចនៅចុងសប្ដាហ៍នេះ បណ្តាលអោយមនុស្សម្នាក់បានស្លាប់ និង១០នាក់ទៀតបានបាត់ខ្លួនដោយនាវិកប្រាំបីនាក់នៅលើនាវា Xuan Phuc...Read more
យោងតាមសេចក្តីរាយការណ៍ពីពលរដ្ឋនៅខេត្តបន្ទាយមានជ័យ កាលពីប៉ុន្មានថ្ងៃកន្លងទៅថ្មីៗនេះបានអោយដឹងថា លោក ឡុង-សំអឿន ប៉ូលីសសេដ្ឋកិច្ចក្រសួងសក្តិបី បានដេញថ្លៃយកតំណែងរបស់លោក ហុក-...Read more
គេសង្គេតឃើញថា នៅប្រទេសកម្ពុជានាពេលបច្ចុប្បន្ន ប្រជាពលរដ្ឋភាគច្រើនកំពុងតែពុលវីវគ់ ឈ្លគ់វង្វេងជាមួយគ្រឿងស្រវឹង ដោយរួមបញ្ចូលទាំងយុវវ័យ សិស្សសាលា ទាំងស្រីទាំងប្រុស។ ស្រាបៀរ ស្រាដប ប...Read more
នៅព្រឹកថ្ងៃទី១២ ខែឧសភា ឆ្នាំ២០១៥នេះ ពិធីប្រកាសផ្ទេរមុខតំណែងមេបញ្ជាការកងរាជអាវុធហត្ថខេត្តសៀមរាប បានធ្វើឡើងនៅទីបញ្ជាការកងរាជអាវុហត្ថខេត្ត ក្រោមអធិបតីភាពរបស់ឯកឧត្តម សៅ សុខា មេបញ្ជាការរង...Read more
ក្រុមក្មេងទំនើងពីរក្រុម បានបើកឆាកប្រយុទ្ធគ្នាយ៉ាងស៊ីសាច់ហុតឈាម បន្ទាប់ពីមានការឌឺដងដាក់គ្នាទៅវិញទៅមក បណ្តាលឲ្យអ្នកចាញ់២នាក់ របួសធ្ងន់ធ្ងរ ត្រូវបញ្ជូនសង្គ្រោះនៅមន្ទីរពេទ្យ។ ចំណែក...Read more
| ថ្ងៃនេះ | 903 | នាក់ |
| ម្សិលមិញ | 6678 | នាក់ |
| សប្ដាហ៍នេះ | 7591 | នាក់ |
| ខែនេះ | 114669 | នាក់ |
| ឆ្នាំនេះ | 2572572 | នាក់ |
| សរុប | 51932498 | នាក់ |
| ថ្ងៃទី 14 ខែ 05 ឆ្នាំ 2024 ម៉ោង 07:43 |
Copyright © 2024 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net
