បាញ់បោះសេរីបីយប់ជាប់គ្នាដើម្បីស្វាគមស្នងការឡើងថ្មី

នៅម៉ោង៣និង១០នាទីទាបភ្លឺឈានចូលថ្ងៃទី៥ ខែវិច្ឆកា ឆ្នាំ២០២១ ខ្មាន់កាំភ្លើងជាជនស្ស័យម្នាក់មានឈ្មោះ សៅ សោភណ្ឌ ភេទប្រុស មានតួនាទីជាប៉ូលីសអន្តរាគមន៍នៃស្នងការនគរបាលខេត្តសៀមរាប (មានរហស្សនាមបញ្ញា៦២) ផឹកស៊ីស្រវឹងទាស់​ពាក្យសម្តីគ្នាជាមួយជនរគ្រោះបានដកកាំភ្លើងបាញ់ជនរងគ្រោះអោយរបួសធ្ងន់ នៅក្នុងភោជនីដ្ឋាន ថិមផល (Temple Bar) នៅចំណុចផាប់ស្ទ្រីត (Pup Street) ក្បែរផ្សារចាស់ ស្ថិតក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប។

ជនរងគ្រោះឈ្មោះ ភាព ប៊ុណ្ណារិទ្ធិ ភេទប្រុស អាយុ៣០ឆ្នាំ មុខរបរជាជាងភ្លើង រស់នៅភូមិសំរោង​ត្បូង ឃុំសំរោង ស្រុកសូទ្រនិគម ខេត្តសៀមរាប កំពុងសង្គ្រោះបន្ទាន់នៅមន្ទីរពេទ្យ​បង្អែក​ខេត្តសៀមរាប បន្ទាប់ពីត្រូវ​របួសដោយគ្រាប់កាំភ្លើងរបស់លោកប៉ូលីស សៅ សោភណ្ឌ។

ជនសង្ស័យជាខ្មាន់កាំភ្លើងខាងលើនេះ ត្រូវ​បាន​ស្នងការរងទទួលផែនព្រហ្មទណ្ឌ​នៃស្នងការដ្ឋាន​នគរបាលខេត្តសៀមរាប​ឃាត់ខ្លួនយក​ទៅសួរនាំដើម្បីកសាងសំណុំរឿងតាមផ្លូវច្បាប់។

សូមរំលឹកផងដែរថា ករណីបាញ់បោះដោយសេរី ផ្តើមចេញពីការផឹកស៊ីស្រវឹង បីយប់ជាប់ៗគ្នានោះគឺ យប់ទី១មន្ត្រីប៉េអឹមខេត្តជាអ្នកបាញ់ យប់ទី២មន្ត្រីយោធាជាអ្នកបាញ់ និងយប់ទី៣នេះគឺមន្ត្រីប៉ូលីសជាអ្នកបាញ់។

ពលរដ្ឋខេត្តសៀមរាបកំពុងរងចាំមើថាតើ ក្រុមអ្នកច្បាប់ និងថ្នាក់ដឹកនាំគ្រប់ជាន់ថ្នាក់ ចាត់ការយ៉ាងណាដែរទៅលើជនសង្ស័យទាំងបីរូបខាងលើ​ដែល​ប្រើ​អាវុធបាញ់បោះសេរីបែបនេះ។ ដោយ៖ វិន្និច្ឆ័យ