បើកបរក្នុងស្ថានភាពស្រវាំងជោគទៅបុករឺម៉កលក់មីឆាហើយថែមទាំងបង្កហឹង្សា

បុរស់ម្នាក់បើកបររថយន្តម៉ាកហៃឡែនឌឺពណ៍ខ្មៅ ពាក់ស្លាកលេខ សៀមរាប 2C-1905 ក្នុងស្ថានភាពប្រវឹងជោគជាំទៅបុករឺម៉កលក់មីឆា ហើយថែមទាំងបង្កហឹង្សាទៅលើបុរសម្នាក់ទៀតដែលធ្វើដំណើរ​តាមដងផ្លូវ ស្ថិតនៅខាងកើតស្ទឹងសៀមរាប ក្នុងភូមិវត្តបូរណ៍ សង្កាត់សាលាកំរើក ក្រុងសៀមរាប នៅវេលាម៉ោង ៩:៥៩នាទីយប់ ថ្ងៃទី១២ ខែធ្នូ ឆ្នាំ២០២៣។

ប្រភពព័ត៌មានច្បាស់ការបានរាយការណ៍ថា បន្ទាប់ពីបង្កគ្រោះថ្នាក់ចរាចរណ៍ បុរស់រូបនោះបានរត់ទៅវាយបុរសអ្នក​បើកបរម៉ូតូម្នាក់ទៀត ហើយប្រវ៉ាយប្រតប់គ្នា បណ្តាលអោយដួលលើដងផ្លូវទាំងពីរនាក់ តែភា្លមនោះត្រូវបាននគរបាលចរាចរណ៍ពីរនាក់រត់ទៅឃាត់ដោយនាំបុរស់ដែលបង្កគ្រោះថ្នាក់ចរាចរណ៍នោះពីកន្លែងបង្កហឹង្សា។ គេសង្កេតឃើញទៀតថា លោក អ៊ឹង ជុងឃាង ដែលជាថៅកែពពែមាសរូបនេះ ស្រវឹងជោគជាំ ហើយមិនព្រមទៅណាទេ បកមកឈ្លោះប្រកែកប្រណាំងរកឈ្នះចាញ់ជាមួយអ្នកបើកបរម៉ូតូថែមទៀតផង។

មន្ត្រីចរាចរណ៍ម្នាក់បានប្រាប់អង្គភាពព័ត៌មានយើងនៅម៉ោង១២:២០នាទីរសៀលថ្ងៃទី១៣ ខែធ្នូ ឆ្នាំ២០២៣​ នេះថា ភាគីសងខាងទាំងអ្នកលក់មីឆា និងម្ចាស់រថយន្តបង្កហេតុ បានណាត់គ្នាចូលដោះស្រាយនៅគោលដៅចរាចរណ៍មាត់ស្ទឹងសៀមរាបនៅម៉ោង៣រសៀលថ្ងៃទី១៣នេះ ហើយរឺម៉កលក់មីឆា និងរថយន្តបង្កហេតុគឺរក្សាទុកនៅគោលដៅចរាចរណ៍ខាងលើននេះផងដែរ។ រីឯកភាគីខាងម្ចាស់ម៉ូតូដែលរងអំពើហឹង្សានោះមិនបានប្តឹងផ្តល់អ្វីទេ។

អង្គភាពព័ត៌មានយើងពុំទាន់អាចសុំការបកស្រាយពីលោក អ៊ឹង ជុងឃាង ថៅកែពពែមាស ដែលបើកបរក្នុងស្ថានភាពស្រវឹងបង្កគ្រោះថ្នាក់ចរាចរណ៍ និងប្រើហឹង្សាទៅលើបុរសម្នាក់ទៀតបានទេ ព្រោះមិនមានលេខទូរស័ព្ទសម្រាប់ធ្វើការទំនាក់ទំនង។ អង្គភាពយើងរងចាំទទួលរាល់ការបកស្រាយរបស់លោក អ៊ឹង ជុងឃាង រាល់ម៉ោងធ្វើការ៕ ដោយៈ ផ្លុងរ៉េត