ប្រជាពលរដ្ឋខេត្តសៀមរាបបានសាទរចំពោះ លោក ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានបញ្ជាឲ្យ ក្រុមហ៊ុនស៊ូជីង (Sou Ching Port Investment) និងក្រុមហ៊ុនស៊ីផេក(Sea Pac Investment) បិទរាល់សកម្មភាពដាក់បញ្ជរលក់សំបុត្រប្រមូលកម្រៃពីភ្ញៀវទេសចរណ៍រ នៅតាមច្រកនានាជុំវិញបឹងទន្លេសាប នេះបើយោងតាមលិខិតមួយដែលចុះហត្ថលេខាដោយលោកនាយករដ្ឋមន្រ្តី ហ៊ុន សែន កាលពីថ្ងៃទី១៧ខែមេសា ឆ្នាំ២០១៥កន្លងទៅថ្មីៗនេះ។
ក្នុងលិខិតរបស់លោកនាយករដ្ឋមន្រ្តី ហ៊ុនសែន បានបញ្ជាឲ្យបិទរាល់សកម្មភាពប្រមូលកម្រៃទស្សនាបឹងទន្លេសាប នៅតាមច្រកនានា តាមបណ្តោយបឹងទន្លេសាបក្នុងភូមិសាស្រ្ត ខេត្តសៀមរាប លើកលែងតែនៅតំបន់ចុងឃ្នៀសមួយតែប៉ុណ្ណោះ។ ក្នុងលិខិតនោះបានមសង្កត់ធ្ងន់ថា ក្នុងករណីក្រុមហ៊ុនមិនអនុវត្តតាមបទបញ្ជានេះ ក្រុមហ៊ុននឹងត្រូវប្រឈមមុខនឹងការដកហូតគោលការណ៍វិនិយោគជាយថាហេតុ។
ក្រុមហ៊ុនស៊ូជីងត្រូវបានបង្កើតឡើងក្នុងឆ្នាំ២០០៧ ដើម្បីអភិវឌ្ឍផែទេសចរណ៍នៅក្នុងខេត្តសៀមរាប នៅចំនុចឃុំចុងឃ្នាស ក្រុងសៀមរាប ខេត្តសៀមរាប តែកាលពីឆ្នាំ២០១៤នេះ ក្រុមហ៊ុនស៊ូជីងបានព្យាយាមដណ្តើមយកតំ បន់ទេសចរណ៍ ឃុំកំពង់ភ្លុគរបស់ក្រុមហ៊ុន ស៊ីផេក មួយទៀត ដែលធ្វើអោយប្រជារាស្រ្តជាអ្នកបើកកាណូតដរដឹកភ្ញៀវទេសចរណ៍យំស្រែកទឹកភ្នែកហូររហាម រហូតធ្វើបាតុកម្មបិទផ្លូវធ្វើដំណើររបស់ភ្ញៀវទេសចរណ៍ដែលទៅជិះកាណូតទស្សនានៅឃុំកំពុងភ្លុគ តែការធ្វើបាតុកម្មរបស់ក្រុមតៃកុងកាណូតទេសចរណ៍ និងប្រជារាស្រ្តនៅឃុំកំពង់ភ្លុគត្រូវបានបរាជ័យ ដោយសារមានអ្នកមានអំណាចដាក់គំនាបទៅលើអាជ្ញាធរដែនដី និងរាស្រ្តក្រីក្រទាំងនោះ។ ប៉ុន្មានខែថ្មីៗនៅឆ្នាំ២០១៥នេះគេលេចលឺព័ត៌មានថា ក្រុមហ៊ុនស៊ូជីងបានព្យាយាមចង់លេបត្របាក់យក តំបន់ទេសចរណ៍ របស់សហគមន៍ ឃុំកំពង់ឃ្លាំងថែមមួយទៀត តែមិនបានសម្រេច ដោយមិនដឹងមូលហេតុអ្វីទេ តែបើយោងតាមអ្នកលក់សំបុត្រអោយកភ្ញៀវទេសចរណ៍នៅឃុំកំពង់ឃ្លាំបានបង្ហាញលិខិតមួយច្បាប់របស់សាលាខេត្តសៀមរាប ចុះថ្ងៃទី២៣ ខែមករា ឆ្នាំ២០១៥ ដោយមិនអនុញ្ញាតិប្រគល់ការលក់សំបុត្រអោយទៅក្រុមហ៊ុនស៊ូជីងទេ ដារាបណាមិនមានការសម្រេចពីក្រុមប្រឹក្សាអភិវឌ្ឈកម្ពុជា។
ក្រុមប្រជាពលរដ្ឋ និងតៃកុងកាណូតដឹកភ្ញៀវទេសចរណ៍បានអះអាងថា បន្ទាប់ពីកុ្រមហ៊ុនស៊ូជីញ ដេញថ្លៃយកបានឃុំកំពង់ភ្លុគអស់រយៈបេលប៉ុន្មានខែកន្លងទៅនេះ ភ្ញៀវទេសចរណ៍បានធ្លាក់ចុះយ៉ាងគំហ៊ុគ ដោយសាតែក្រុមហ៊ុនស៊ូជីញ បានតំឡើងថ្លៃសំបុត្រកាណូត និងតំឡើងថ្លៃពន្ធ បណ្តាលអោយក្រុមហ៊ុនដឹកភ្ញៀវទេសចរណ៍ មគ្គុទេសទេសចណ៍ អ្នកបើកបររឺម៉ក ឡាន មិនសប្បាយចិត្ត ហើយពួកគេមិននាំភ្លៀវទៅទស្សនាឃុំកំពង់ភ្លុគ ម្យ៉ាងទៀតភ្ញៀវទេសចរណ៍មានការរអូរទាំថា សំបុត្រថ្លៃពេកពួកគាត់មិនមានលទ្ធភាពទៅទស្សនាទីនោះទេ។ ភ្លៀវទេសចរណ៍ភាគច្រើន និយាយថា ពួកគាត់មានការអាក់អន់ស្រពន់ចិត្តដោយគាត់បានយកលុយមកចំណាយអោយក្រុមហ៊ុនឯកជនទៅវិញ ពួកគាត់មានបំណងចង់ចំណាយលុយអោយហូរចូលហោប៉ៅប្រជារាស្រ្តខ្មែរ ឬរដ្ឋាភិបាលខ្មែរ មិនមែនយកលុយមកអោយក្រុមហ៊ុនឯកជន ឬប្រទេសទីបីនោះទេ។
លោក ភូ សំអាត អភិបាលស្រុកប្រាសាទបាគងធ្លាប់ប្រាប់អ្នកកាសែតថាក្រុមហ៊ុនស៊ូជីងនេះបានដេញថ្លៃយកសេវាលក់សំបុត្រនៅតំបន់កំពង់ភ្លុកពីក្រុមហ៊ុនស៊ីផេក ពិតប្រាកដមែន។
អ្នកយកព័ត៌មានយើង មិនអាចសុំការបំភ្លឺពីលោក វ៉ា ឈូដា អ្នកគ្រប់គ្រងក្រុមហ៊ុន ស៊ូជីញ បានទេនៅព្រឹកថ្ងៃទី២៤ ខែមេសា ឆ្នាំ២០១៥នេះ ព្រោះមិនមានលេខទូរស័ព្ទសំរាប់ទំនាក់ទំនង។
គួររំឭកថា អាជ្ញាធរខេត្តសៀមរាបមានគម្រោងជម្លៀសពលរដ្ឋចំនួន៨០០គ្រួសារចេញពីតំបន់ទេសចរណ៍ធម្មជាតិ ឃុំកំពង់ភ្លុក ដោយឲ្យពួកគាត់ទៅតាំងទីលំនៅថ្មីនៅស្រុកស្វាយលើ ដែលមានចម្ងាយប្រមាណ១០០គីឡូម៉ែត្រ ពីតំបន់ពួកគាត់ធ្លាប់រស់នៅ ដើម្បីយកទីតាំងនោះឲ្យក្រុមហ៊ុនស៊ូជីញនេះអភិវឌ្ឍតំបន់ទេសចរណ៍។
ពាក្យចចាមអារាមមិនទាន់ជាផ្លូវការមួយបាននិយាយតៗគ្នាថា អាជ្ញាធរខេត្តមានបំណងដេញប្រជារាស្រ្តពីឃុំកំពង់ភ្លុគអោយទៅរស់នៅស្រុកស្វាយលើ ហើយរំលែកប្រជាជនយួននៅឃុំចុងឃ្នាស ៧០គ្រួសារអោយទៅនៅឃុំកំពង់ភ្លុគជំនួសវិញ។
ឥឡូវបន្ទាប់ពីពលរដ្ឋទូទៅ ពិសេសអ្នកប្រកបរបរជាមួយភ្ញៀវទេសចរណ៍ បានលឺដំណឹងថា លោកនាយករដ្ឋមន្រ្តី ហ៊ុនសែន បានចេញបញ្ជាអោយក្រុមហ៊ុនស៊ូជីញ និងក្រុមហ៊ុនស៊ីផេក ដកខ្លួនចេញមិនអនុញ្ញាតិអោយដាក់បញ្ជរលក់សំបុត្រនៅតំបន់ណាក្រៅពីចុងឃ្នាសនោះ ក្រុមពលរដ្ឋបានសាទរ សប្យាយចិត្តឥតឧប្បមា និងសូមថ្លែងអំណរគុណយ៉ាងជ្រាវជ្រៅចំពោះការគិតគូបានត្រឹមត្រូវរបស់សម្តេច ចំពោះមុខរបរតូចតាចរបស់រាស្រ្តខ្មែរ សំរាប់ចិញ្ចឹមក្រពេះ។
ពលរដ្ឋមួយចំនួនលើកឡើងថា បើសម្តេចដកក្រុមហ៊ុនស៊ូជីញ ចេញពីតំបន់ទេសចរណ៍ចុងឃ្នាសមួយទៀតកាន់តែល្អ ព្រោះក្រុមហ៊ុនអស់នេះទទួលបានចំណូលច្រើន តែបង់ពន្ធជូនរដ្ឋតិចតួចបំផុត ដូចពាក្យស្លោកបានពោលថា ( ទុកក៏មិនចំណេញ ដកចេញក៏មិនខាត)៕ ដោយ៖ ផ្លុង-រ៉េត
.jpg)
.jpg)
.jpg)
.jpg)
.jpg)
.jpg)
.jpg)
