09/06/2021
តាមប្រភពព័ត៌មានពីមន្រ្តីអង្គការក្រៅរដ្ឋាភិបាលដែលឃ្លាំមើលបទល្មើសព្រៃឈើក្នុងខេត្តព្រះវិហារ បានឲ្យដឹងថា បច្ចុប្បន្នឈ្មួញឈ្មោះ គីម និងប្រពន្ធឈ្មោះឡេង ធារ៉ា នៅតែប្រមូលទិញឈើពីតំបន់នានាដឹកជញ្ជូនមករក្សាទុកក្នុងទីតាំងដេប៉ូរបស់ខ្លួនយ៉ាងរលូនដដែល។ ប្រភពបានឲ្យដឹងទៀតថា មន្រី្តរដ្ឋបាលព្រៃឈើក្នុងស្រុកត្បែងមានជ័យ ស្រុកឆែប និងស្រុកជាំក្សាន្ត មិនហ៊ានប៉ះពាល់ឈ្មួញឈ្មោះ គីម និងប្រពន្ធឈ្មោះឡេង ធារ៉ា នោះទេទំនងជាមានជាប់ពាក់ព័ន្ធផលប្រយោជន៍។ ទន្ទឹមនឹងនេះលោក ប្រាក់ សុវណ្ណ អភិបាលខេត្តព្រះវិហារ និងលោក ពឹង ទ្រីដា ប្រធានមន្ទីរកសិកម្មខេត្តព្រះវិហារ ព្រមទាំងលោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ កំពុងរក្សាភាពស្ងៀមស្ងាត់មិនបង្ក្រាបបទល្មើសព្រៃឈើឡើយ។
ប្រភពពីប្រជាពលរដ្ឋក្នុងភូមិក្រាំងដូង ឃុំព្រះឃ្លាំង ស្រុកត្បែងមានជ័យ ខេត្តព្រះវិហារ បានឲ្យដឹងថា មកដល់ពេលនេះឈ្មួញឈ្មោះ គីម និងប្រពន្ធឈ្មោះឡេង ធារ៉ា ដែលជាម្ចាស់ដេប៉ូឈើដ៏ធំក្នុងស្រុកត្បែងមានជ័យ នៅតែអាចធ្វើអ្វីៗតាមអំពើចិត្ត។ ប្រជាពលរដ្ឋបានឲ្យដឹងទៀតថាឈ្មួញឈ្មោះ គីម និងប្រពន្ធឈ្មោះឡេង ធារ៉ា អាចធ្វើសកម្មភាពប្រមូលទិញឈើពីតំបន់ព្រៃព្រះរកា ក្នុងស្រុកជាំក្សាន្ត ស្រុកឆែប និងស្រុកត្បែងមានជ័យ ដឹកជញ្ជូនមករក្សាទុកក្នុងដេប៉ូរបស់ខ្លួនយ៉ាងសុខស្រួល។ បន្ទាប់មកឈ្មួញឈ្មោះ គីម និងប្រពន្ធឈ្មោះឡេង ធារ៉ា លក់ឈើបន្តទៅឲ្យឈ្មួញកណ្តាលដឹកជញ្ជូនចូលទៅខេត្តកំពង់ធំនិងបណ្តាខេត្តផ្សេងទៀតយ៉ាងពេញបន្ទុកព្រោះមានការឃុបឃិតជាប្រព័ន្ធ។
ប្រភពពីមន្រ្តីនៅក្នុងមន្ទីរកសិកម្មខេត្តព្រះវិហារ បានឲ្យដឹងថា លោក ពឹង ទ្រីដា ប្រធានមន្ទីរកសិកម្មខេត្តព្រះវិហារ និងលោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ បណ្តោយឲ្យឈ្មួញឈ្មោះ គីម និងប្រពន្ធឈ្មោះឡេង ធារ៉ា ប្រមូលទិញឈើនិងដឹកជញ្ជូនឈើពីតំបន់នានាដឹកជញ្ជូនចូលដេប៉ូរបស់ខ្លួនយ៉ាងគឃ្លើន។ ជាងនេះទៅទៀតសូម្បីតែលោក ប្រាក់ សុវណ្ណ អភិបាលខេត្តព្រះវិហារ ព្រមទាំងលោក កង សៅគុណ មេបញ្ជាការកងរាជអាវុធហត្ថខេត្តព្រះវិហារ និងលោក សួស សុខដារ៉ា ស្នងការនគរបាលខេត្តព្រះវិហារ ក៏មិនចាត់វិធានការទៅលើឈ្មួញឈ្មោះ គីម និងប្រពន្ធឈ្មោះឡេង ធារ៉ា នោះដែរ។ ហេតុនេះហើយទើបមានការរិះគន់ចំៗថា ឈ្មួញឈ្មោះ គីម និងប្រពន្ធឈ្មោះឡេង ធារ៉ា ជាប្រភពចំណូលដ៏សំខាន់របស់មន្រ្តីធំៗមួយចំនួនក្នុងខេត្តព្រះវិហារ ទើបអាចបន្តសកម្មភាពដេប៉ូឈើរបស់ខ្លួនក្នុងភូមិក្រាំងដូង ឃុំព្រះឃ្លាំង ស្រុកត្បែងមានជ័យ ដោយគ្មានញញើតអ្វីទាំងអស់។មានត
ប្រភពព័ត៌មានៈ ខ្មែរ អនឡាញ
.jpg)
