សិទ្ធិមនុស្ស គឺសិទ្ធិជាមូលដ្ឋានសំរាប់មនុស្សគ្រប់រូប។ មនុស្សគ្រប់រូបនៅលើពិភពលោកនេះមានសិទ្ធជាប់ពីកំណើត ទោះជាមាន ភេទ សាសនា ជាតិសាសន៍ ពណ៌សម្បុរ ភាសា ជំនឿ ដើមកំ ណើតសង្គម ឬស្ថានភាពរស់នៅបែបណាក៏ដោយ។
សិទ្ធិមនុស្ស គឺជាបទដ្ឋានអន្តរជាតិសំរាបមនុស្សគ្រប់រូបដែលទទួលបាននូវការប្រព្រឹត្តិមកលើខ្លួនដោយស្មើភាពគ្នា ដោយការគោរព និង សេចក្ដីថ្លៃថ្នូរ និងដោយគ្មានការរើសអើង។
ឧទាហរណ៍មួយចំនួននៃសិទ្ធិមនុស្សរបស់ជនជាតិដើមភាគតិច មានដូចជា៖
- សិទ្ធិរស់រានមានជីវិត សេរីភាព និងសន្តិសុខ
- សិទ្ធិស្វ័យសំរេច
- សិទ្ធិរួចផុតពីការរើសអើងគ្រប់រូបភាព
- សិទ្ធិទទួលបានសញ្ជាតិ
- សិទ្ធិបោះឆ្នោត និងចូលរួមក្នុងជីវភាពសាធារណៈ និងធ្វើសេចក្ដីសំរេចចិត្ត
- សិទ្ធសេរីភាពក្នុងការបញ្ចេញមតិយោបល ដើរហើរ និងជួបប្រជុំ
- សិទ្ធិខាងជំនឿ និងសាសនាតាមទំនៀមទំលាប់ និងប្រពៃណី
- សិទ្ធិទទួលបានការអប់រំ ម្ហូបអាហារ សុខភាព លំនៅដ្ឋាន ការងារ និងសន្តសុខសង្គម
- សិទ្ធិលើដីធ្លី និងទ្រព្យសម្បត្តិ
- សិទ្ធិថែរក្សា និងការពារ ដីធ្លី និងទឹកដីដែលបានប្រើប្រាសជាប្រពៃណី
- សិទ្ឋិមានការយល់ព្រម ដោយសេរី និងដោយបានប្រាប់ឲដឹងជាមុន
- សិទ្ឋិចូលរួមដោយសេរីក្នុងជីវភាពវប្បធម៌នៃសហគមន៍
- សិទ្ធិទទួលបានការជំនុំជម្រះក្ដីដោយភាពត្រឹមត្រូវ ការជួសជុលការខូចខាត និងការ ដោះស្រាយប្រកបដោយប្រសិទ្ធិភាព
- សិទ្ឋិធ្វើសេចក្ដីសំរេចលើ អាទិភាព និងយុទ្ធសាស្រ្តនានាសម្រាបការអភិវឌ្ឍន៍
(ដកស្រង់ពីសៀវភៅ ការការពារ ការគោរព និង ដំណោះស្រាយ គោលការណ៍ណែនាំស្តីពីធុរកិច្ច និងសិទ្ធិមនសុស្ស)