នាយរងប៉េអឹមស្រុកត្រពាំងប្រាសាទប្រវាយប្រតប់អ្នកកាសែតខណៈខឹងអ្នកកាសែតថតរូបខ្លួន រួចចាប់អ្នកកាសែតយកទៅឃុំខ្លួន ហើយបង្វិលសាច់រឿងទៅជាបទកំហែងទាប្រាក់ពីឈ្មួញដឹកឈើទៅវិញ

ដោយៈ រ៉េត ខេត្តសៀមរាប ថ្ងៃទី 13 ខែ 06 ឆ្នាំ 2016 វេលាម៉ោង 10:49 នាទី ចំនួនអានៈ 1566

នាយ​រង​ប៉េអឹម​ស្រុក​ត្រ​ពាំង​ប្រាសាទឈ្មោះ​ គង់​សម្បត្តិ (ហៅតង) បាន​ឃាត់​ខ្លួន​អ្នក​កា​សែត​​ម្នាក់​ឈ្មោះ ខៀវ សុផានុរស្ស តាំង​ពី​ម៉ោង​ជាង​១រសៀលម្សិល​មិញ រហូត​ដល់​ព្រឹក​ថ្ងៃទី១៣ ខែមិថុនា ឆ្នាំ២០១៦នេះ មិន​ទាន់​ដោះលែង​នៅ​ឡើយ​ទេ​ ដោយមូល​ហេតុ​​ខឹង​និង​អ្នក​កាសែត​ទៅ​ថត​រថ​យន្ត​​របស់​ខ្លួន​ ក្នុងខណៈពេលក្រុម​ប៉េអឹម​របស់​ខ្លួន​ចុះ​បំ​ពេញ​បេសកម្ម​ចាប់​ម៉ូតូចោរលួច​ច្រឡំស្លាកលេខ។​​

លោក ខៀវ សុផានុរស្ស​ អាយុ​៣៣​ឆ្នាំ​ជា​អ្នក​ឆ្លើយ​ឆ្លង​ព័ត៌មាន​អោយ​ទូរទស្សន៍​អប្ស​រា​ប្រ​ចាំ​ស្រុក​អន្លង់​វែង​ខេត្ត​ឧត្តរ​មាន​ជ័យ និង​ជា​អតី​ត​ជា​អ្នក​យក​ព័ត៌មាន​អោយ​សារព័ត៌មាន​កម្ពុជា​សុវណ្ណ​ភូមិប្រ​ចាំ​ខេត្តឧត្តរ​មាន​ជ័យ បច្ចុប្បន្ន​ស្នាក់​នៅ​ស្រុក​អន្លង់​វែង ត្រូវ​បាន​កម្លាំង​ប៉េអឹម​ស្រុក​ត្រពាំង​ប្រាសាទ ឃាត់​ខ្លួន​ភ្លាមៗ​យក​ទៅ​សាក​សួរ​បន្ទាប់​ពី​លោក សុផានុរស្ស​ បាន​ទៅ​ថត​រថ​យន្ត​ប៉េអឹម​ខាង​លើ​ដែល​បាន​ទៅ​ចាប់​ម៉ូតូ១គ្រឿង​ច្រ​ឡំ​ដែល​​ចោរ​​បាន​លួច​​កាល​ពី​​ប៉ុន្មាន​ថ្ងៃ​មុន​នេះ។

អ្នក​កាសែត​ម្នាក់​ក្នុង​ចំ​ណោម​២នាក់​ដែល​ត្រូវ​បាន​ប៉េអឹម​ឃាត់​ខ្លួន​ហើយ​បាន​ដោះ​លែង​វិញ​ ​បាន​ប្រាប់​តាម​ទូរស័ព្ទ​កាល​ពី​​យប់​​​ថ្ងៃទី១២ម្សិល​មិញថា កាលពី​ប៉ុន្មាន​ថ្ងៃ​មុន​នេះ​មាន​ចោរ​បាន​លួច​កាច់​សោ​ម៉ូតូមួយ​គ្រឿង​ដែល​មាន​ស្លាកលេខ 4267 លុះ​ដល់​ព្រឹក​ថ្ងៃ​ទី​១២​នេះ​ខាង​ប៉េអឹម​ស្រុក​ត្រពាំង​ប្រាសាទបាន​បើក​រថយន្ត​ទៅ​ចាប់​ម៉ូតូ​មួយគ្រឿង​ច្រឡំដែល​ពាក់​ស្លាកលេខ 2067 រួច​ក៏បាន​ដោះ​លែង​ទៅ​វិញ។ ប្រ​ភព​បន្តថា ឃើញ​ដូច្នេះ​លោក​ ខៀវ សុផានុរស្ស​បាន​ទៅ​ថត​រូប​ភាព​យក​ព័ត៌មាន​​តាម​វិជ្ជាជីវៈ ដោយ​ថត​ទាំង​រថ​យន្ត​របស់​ប៉េអឹម​ផង ទើប​បណ្តាល​អោយលោក គង់​សម្បត្តិ (ហៅតង) នាយ​រង​ស្តី​ទី​​ប៉េអឹមស្រុក​ត្រពាំង​ប្រាសាទ​​ខឹង​សម្បា​យ៉ាង​ខ្លាំង​ ហើយ​ក៏ស្ទុះ​មក​ប្រ​វាយ​ប្រ​តប់​បម្រុង​យក​ទូរស័ព្ទ​អ្នក​កា​សែត​ទៅ​លុប​រូប​ចោល តែ​លោក​សុផានុរស្ស​មិន​ព្រម​អោយ​ទើប​បណ្តាល​អោយ​មាន​រឿង​កាន់​តែ​វែង​ឆ្ងាយ។ ​អ្នក​កាសែត​រូប​នេះ​បាន​បន្តថា ឃើញ​ដូច្នេះ​លោក​ក៏រត​ទៅ​ឃាត់​ បន្ទាប់​មក​នាយ​រង​ប៉េអឹម​រូប​នេះក៏បាន​នាំខ្លួន​អ្នក​កាសែត​ទៅ​ស្នាក់​ការ​ប៉េអឹម​ស្រុក​ត្រពាំង​ប្រា​សាទ​តាំង​ពី​ម៉ោង​១រសៀលថ្ងៃទី១២ខែ​មិថុនា​ឆ្នាំ២០១៦​ម្សិល​មិញ​ដោយ​បង្វិល​ពី​រឿង​ឈ្លោះ​គ្នា​ជាមួយអ្នក​កាសែតទៅជា មាន​ពាក្យ​បណ្តឹង​ពី​ឈ្មួញ​រក​ស៊ី​ដឹក​ឈើថា អ្នក​កាសែត​ខាង​លើ​នេះ​ធ្លាប់​បាន​ទៅ​កំហែង​ទាប្រាក់​ពី​ក្រុម​ឈ្មួញ​រក​ស៊ី​ដឹក​ឈើ​ទៅវិញ។

​លោក លី ណារិទ្ធ មេប៉េអឹម​ស្រុក​ត្រពាំង​ប្រាសាទបាន​ប្រាប់​តាម​ទូរស័ព្ទនៅ​ល្ងាច​ម៉ោង​៦និង១១នាទីថ្ងៃទី១២​ម្សិល​មិញថា លោក​នៅ​ឯភ្នំពេញ​ ហើយ​សាច់​រឿង​ឃាត់​ខ្លួន​អ្នក​កាសែត​ខាងលើនេះ​គឺ​​លោក គង់ សម្បត្តិ (ហៅ​តង) ប្រ​ធាន​ស្តី​ទីប៉េអឹម​ស្រុកត្រ​ពាំង​ប្រាសាទ​​របស់​លោក​កំពុង​សាក​សួរមិន​ទាន់​ចប់​នៅ​ឡើយ​ទេ។ លោកលីណារិទ្ធបន្ថែមថា រឿង​ថត​ឡានប៉េអឹម​មិន​ជា​រឿង​ដើមចម​ក្នុង​ការ​ឃាត់​ខ្លួន​នោះទេ តែ​មាន​ឈ្មួញ​រក​ស៊ី​ដឹក​ឈើ​គេ​ប្តី​ថា លោក​ ខៀវ​ សុផានុរស្ស​ ទៅ​កំហែង​ទាប្រាក់​គេ។

កម្ពុជា​សុវណ្ណភូមិ​បាន​ខល​ទូរស័ព្ទ​ទៅ​លោក គង់សម្បត្តិ ប្រ​ធាន​ស្តី​ទី​ប៉េអឹម​ស្រុក​ត្រពាំង​ប្រាសាទ និង​លោក គយ​ កាន់យ៉ា ព្រះ​រាជអាជ្ញាសាលាដំ​បូង​ខេត្ត​ឧត្តរ​មាន​ជ័យ​នៅ​ម៉ោង​៦ថ្ងៃទី១២​ម្សិល​មិញ​ ដើម្បី​សុំ​សាក​សួរ​ព័ត៌​មាន​ពាក់​ព័ន្ធ​និង​ការ​ចាប់​ខ្លួន​អ្នក​កាសែត​ខាងលើ​​តែ​មិន​មាន​អ្នក​លើក​ទូរស័ព្ទនោះ​ទេ។

លោក​ ខៀវ សុផានុរស្ស​ ​បាន​ប្រាប់​កម្ពុជា​ភូមិ​តាំង​ពី​ព្រឹក​​​ម៉ោង​៩ថ្ងៃទី១២​ម្សិលមិញ​មុន​ប៉េអឹម​ឃាត់​ខ្លួន​ថា កាល​ពី​ថ្ងៃទី​១១​​ខែ​មិថុនាឆ្នាំ២០១៦ មាន​រថ​យន្ត​ដឹក​ឈើ​មួយ​គ្រឿង​ដឹក​សុទ្ធតែ​ឈើ​ថ្មីនៅ​ស្រុក​ត្រពាំង​ប្រាសាទ​ខេត្តឧត្តរ​មាន​ជ័យ តែ​បែជា​រត​ច្បាប់​ជា​ឈើ​ផ្ទះ​ចាស់​ទៅ​វិញ​ ឃើញ​ដូច្នេះ​អ្នក​កាសែត​ជិត​១០​នាក់​បាន​ទៅ​ថត​រូប​បម្រុង​ហៅ​មេព្រៃ​អោយ​ចាប់​តែ​អ្នក​រត​ការ​ឡាន​ដឹក​ឈើ​ខាង​លើ​ប្រាប់​ថា មិន​បាច់​ហៅ​មេ​ព្រៃ​ទេ​សុទ្ធ​​តែ​ខ្មែរ​ដូច​គ្នា យក​លុយ​ម្នាក់​ពី​រម៉ឺន​ចាក់​សាំង​ទៅ ហើយ​ឈើ​នេះ​ជា​កូន​ចៅ​របស់​លោក​អភិបាល​ស្រុក​​ត្រពាំង​ប្រាសាទផង គួរ​មាន​ការ​​យោគ​យល់​​ខ្លះ​ផង។ លោក​ សុផា​នុរស្ស​ បន្ថែម​ថា លុះ​ដល់​រថ​យន្ត​ដឹក​ឈើ​ទៅ​បាត់​ស្រាប់​តែ​ព្រឹក​ថ្ងៃទី១២​​​លឺ​ពាក្យ​ចចាម​អារាម​តាម​តុការហ្វេថា កូន​ចៅ​លោក​ចៅ​ហ្វាយ​ស្រុក​​ត្រ​ពាំង​ប្រាសាទ​គំ​រាម​ថា ចៅ​ហ្វាយ​ស្រុក​ខឹង​ខ្លាំ​ងណាស់​ ហើយ​បម្រុង​អោយ​ឈ្មួញ​ដឹក​ឈើ​ខាងលើ​ដាក់​ពាក្យ​ប្តឹង​​ថា​ក្រុម​អ្នក​កាសែត​ទៅ​ជំរិត​ទាប្រាក់​អ្នក​​ដឹក​ឈើ​ផ្ទះ​ចាស់​ទៅ​វិញ។ លុះ​ស្រាប់​តែ​​ម៉ោង​ជាង​៣​រសៀល​ថ្ងៃទី១២​ម្សិល​មិញមាន​អ្នក​កាសែត​ម្នាក់​ប្រាប់​កម្ពុជា​សុវណ្ណភូមិ​​ថា មាន​ការ​ចាប់​ខ្លួន​លោក ខៀវ​ សុផានុរស្ស​ ដូច​ការ​គំរាម​ពី​ក្រុម​អ្នក​រក​ស៊ី​ដឹក​ឈើ​ ដែល​អួត​ខ្លួន​ថា ជា​កូន​ចៅ​របស់​លោក​ចៅ​ហ្វាយ​ស្រុកដូច​ការ​គ្រោង​ទុកមែន​។

សូម​បញ្ជាក់​ថា អ្នក​រក​ស៊ី​ស្លូន​ត្រង់​នៅ​ស្រុក​អន្លង់​វែង​ធ្លាប់​បាន​ប្រាប់​កម្ពុជា​សុវណ្ណភូមិថា លោក​ ខៀវ សុផានុរស្ស​ ជាអ្នក​កាសែត​ម្នាក់​សកម្ម​ខាង​ហៅ​សមត្ថ​កិច្ច​អោយ​ចាប់​រថ​យន្ត​ដឹក​ឈើ​ខុស​ច្បាប់​ ដែល​ជា​ហេតុ​ធ្វើ​អោយ​មាន​ការ​ប៉ះ​ទង្គិច​ជាមួយ​ក្រុម​ឈ្មួញ​ និង​មន្ត្រី​រាជការ​លេម​លើម​មួយ​ចំ​នួន​ដែល​បាន​ទទួល​លាភ​ស​ការៈ​​ពី​ក្រុម​ឈ្មួញ​អ្នក​រក​ស៊ី​ខុស​ច្បាប់ទាំង​តូច​ទាំង​ធំ។

សារព័ត៌មាន​កម្ពុជាសុវណ្ណភូមិ​សូម​ធ្វើ​ការ​ខន្តី​អភ័យ​ទោស​ចំ​ពោះ​ការ​ចុះ​ផ្សាយ​ច្រឡំកាល​ពី​ថ្ងៃទី១២​ម្បិល​មិញ ទៅ​លើលោក ហោជិនវីរៈយុទ្ធ អភិបាល​ស្រុក​អន្លង​វែង​ថា ជាអ្នក​ជាប់​ព័ន្ធ​ក្នុង​ករណី​ឈ្មួញ​រក​ស៊ី​ដឹក​ឈើ​ជាកូន​ចៅ​របស់​លោក តាម​ពិត​ទៅ​គឺ​ជា​ចៅ​ហ្វាយ​ស្រុក​ត្រពាំង​ប្រាសាទទេ ដែល​ជាអ្នក​ជាប់​ពាក់​ព័ន្ធ​ករណី​​ឈ្មួញ​រក​ស៊ី​ដឹក​ឈើ​ ដែល​ប្តី​អ្នក​កាសែត។

នៅ​ព្រឹក​ថ្ងៃទី១៣​ខែ​មិថុនា​ឆ្នាំ២០១៦​នេះ លោក នៅ ​សមតារារិទ្ធ អភិបាល​ស្រុក​ត្រពាំង​ប្រាសាទមិន​អាច​សុំ​ការ​បក​ស្រាយ​បាន​ទេពាក់​ព័ន្ធ​ករណី​គេ​ចោទ​ប្រ​កាន់​ថា លោក​ជាប់ពាក់​​ព័ន្ធ​ជា​មួយ​ក្រុម​ឈ្មួញ​រក​ស៊ី​ដឹក​ឈើ​ដែល​ប្តី​អ្នក​កាសែត​ខាង​លើ ព្រោះ​នៅ​ពេល​ទូរស័ព្ទ​ចូល​លោក​ឆ្លើយ​យ៉ាង​ខ្លី​ថា លោក​មាន​ជំងឺ​កំពុង​ព្យា​បាល​ខ្លួន​នៅ​​ឯបាង​កក​ប្រទេស​ថៃ បើ​មាន​ការ​អី​ទៅ​ជួប​ប្រធាន​ស្តី​ទី​របស់​លោក​នៅ​ឯសាលាស្រុក​ត្រពាំង​ប្រា​សាទ​ទៅ។

នៅ​ព្រឹក​ថ្ងៃទី១៣នេះភរិយា​របស់​លោក សុផានុរស្ស បាន​ប្រាប់​កម្ពុជា​សុវណ្ណភូមិ​តាម​ទូរស័ព្ទ​ថា ប្តី​របស់​គាត់​ខាង​ប៉េអឹម​ស្រុក​ត្រ​ពាំង​ប្រាសាទ​បានបញ្ជូន​ទៅ​ខេត្ត​ឧត្តរ​មាន​ជ័យ​ហើយ។

លោក សុខសុវណ្ណ ប្រធាន​ក្រុម​ ក្រុម​ប្រឹក្សា​សារព័ត៌មាន​កម្ពុជា បាន​មាន​ប្រ​សាសន៍​តាម​ទូរស័ព្ទ​នៅ​ព្រឹក​ថ្ងៃទី១៣​នេះ​ថា មន្ត្រី​អាវុធហត្ថ​ ដែលខឹង​និង​អ្នក​កាសែត​ថត​រូប​ ហើយ​​បង្ខំ​អោយ​អ្នក​កាសែត​លុប​រូប​នោះ​ជា​អំ​ពើ​ខុស​ច្បាប់​ ហើយ​ជា​ទង្វើ​មួយ​កំ​ពុង​តែ​គាប​សង្កត់ គំរាម​កំហែង ដល់​​សេរី​ភាព​អ្នក​សារព័ត៌មាន​ ព្រោះ​ថាក្នុង​ពេល​សមត្ថ​កិច្ច​ចុះ​បំ​ពេញ​បេសកកម្ម​នោះ​អ្នក​ឯង​ជា​មន្ត្រី​សាធារណៈរបស់​រដ្ឋ​ ហើយ​នៅ​ទី​សាធារណៈទៀត​ផង​ ដូច្នេះ​អ្នក​កាសែត​មាន​សិទ្ធិ​ថត​រូប​ទុកជាឯកសារ ឬ​ថត​យក​មក​ផ្សយ​ថា ម៉ូតូដែល​ប៉េអឹម​ចាប់​ត្រឡំនោះ​បាន​ដោះ​លែង​ទៅ​វិញ​ហើយ ជាស​វាង​មាន​ការ​ភាន់​ច្រឡំណា​មួយ​ពី​មហាជន តែ​លោក​ម៉េអឹម​ខាង​លើ​ដែល​បង្ខំ​អោយ​អ្នក​កាសែត​លុប​រូប​រហូត​ដល់​ថ្នាក់​ប្រវាប្រតប់​គ្នា​នោះ​ មិន​មែន​ជា​អ្នក​ចេះ​ច្បាប់​នោះ​ទេ សរុប​ទៅ​គឺ​គាត់​ប្រើ​ច្បាប់​ព្រៃ ដែលកំ​ពុង​តែ​​ធ្វើ​អោយ​ខូច​កិត្តិ​យសដល់​ថ្នាក់​លើ​ និង​ថ្នាក់​ដឹក​នាំ​ហើយ។

ស្ថាប័ណ្ណឯករាជសូម​សំនូម​ពរ​ទៅ​លោក គយ កាន់យ៉ាង ព្រះ​រាជអាជ្ញាសាលាដំ​បូង​ខេត្ត​ឧត្តរ​មាន​ជ័យ​មេត្តា​លើក​លែង​ការ​ចោទ​ប្រកាន់​ទៅលើ​អ្នក​កាសែត​ឈ្មោះ ខៀវ សុផានុរស្ស ដែល​នាយ​រង​ប៉េអឹម​ស្រុក​ត្រពាំង​ប្រាសាទ​បាន​ឃាត់​ខ្លួន​កាល​ពី​ថ្ងៃទី១២ម្សិល​មិញ ព្រោះនិយម​ន័យ ​បទ​កំ​ហែង​យក​ ក្នុង​ក្រម​ព្រហ្ម​ទណ្ឌ​មិន​សាក​សម​ទៅ​នឹង​ករណី​ខាង​លើ​នេះទេ៕ ដោយ៖ ផ្លុង រ៉េត

ស្លាក:  ព័ត៌មានថ្មីៗ  ព័ត៌មានជាតិ 

ព័ត៌មានដែលមានទំទាក់ទំទង

រថយន្តប្រណីតកាត់តួ ឈ្មួញលួចនាំ ចូលរាល់ថ្ងៃ លក់ចែកចាយ ពេញប្រទេស ដោយអត់បង់ ពន្ធចូលរដ្ឋ មួយ?...    អាន1352ដង ម៉េង កែវពេជ្ជតា ជួបវិបិត្តពីរ៖ ប្រឆាំងជម្លោះស្នេហ៍ត្រីកោណ និងបងប្រុសស្លាប់   អាន1403ដង គណបក្សហ្វុនស៊ិនប៉ិចបើកវគ្គបណ្តុះបណ្តាលដល់វជនយុវនារី   អាន1206ដង ក្រុមហ៊ុន​អគ្គិសនី​ CPTL​ ប្ដឹង​ទារ​១០​ ម៉ឺន​ដុល្លារ​ពី​ម្ចាស់​រថយន្ដ​បុក​បាក់​បង្គោល​ភ្?...    អាន1558ដង តំបន់ទេសចរណ៍ធម្មជាតិចំបក់ត្រូវបានអភិរក្សដោយប្រជាជន    អាន1356ដង របាយការណ៍សមត្ថកិច្ច៖ មនុស្ស​១០៣នាក់ស្លាប់ និង៤៥៦នាក់រងរបួស ដោយ​គ្រោះថ្នាក់ចរាចរណ៍រយៈព?...    អាន1936ដង ពលរដ្ឋ៖ រាជរដ្ឋាភិបាល និងក្រសួងទេសចរណ៍ គួរតែបញ្ឈប់អាជីវកម្មជួលកង់ជួលម៉ូតូអោយភ្ញៀវទេសច?...    អាន2858ដង សេចក្តី​ជូន​ដំ​ណឹងះ ស្តី​ពី​ស្ថាន​ភាព​​អា​កាស​ធាតុ​ និង​ស្ថាន​ភាព​ទឹក​ជំ​នន់   អាន1367ដង ចៅអធិការ​វត្ត​ទួល​ក្រសាំង លួចឆាន់ស្រា​ស្រ​វឹង​ ធ្លាក់ភ្នែក ​រួចបើក​រថ​យន្ត​ បុកគល់ឈើ និ...    អាន1563ដង សមត្ថកិច្ចចំរុះចុះរឹបអូសឈើក្រញូងបានជាង៣តោននិងរថយន្ត២គ្រឿង   អាន1444ដង
ព័ត៌មានផ្សេងៗទៀត
ទំនាក់ទំនងចុះផ្សាយ ឬផ្សាយពាណិជ្ជកម្មតាមអាសយដ្ឋានខាងក្រោម

 

 លិខិតមិត្តអ្នកអាន
វីដេអូឯកសារស្តី​ពី​ រឿង​រាវ​របស់​លោក​ឈុត​វុទ្ធី វីរបុរស់អ្នក​ការពារ​ព្រៃ​ឈើ​លោក ឈុត-វុទ្ធី បាន​លាចាក​លោក​យើង​នេះ​ទៅ​ហើយ​ក្តី តែ​កិត្តិ​នាមដ៏ឧត្តុងឧត្តមល្បីសុះ​សាយ​គ្រប់​ទិស​ទី​ អំ​ពី​ស្នា​ដៃ​របស់​លោក​ នៅ​តែ​ដក់​ជាប់​ក្នុង​ក្រ​អៅ​ហេះ​ដូង​ជន​ជាតិ​ខ្ម...Read more
កីឡាករកីឡាការីនី ជាតិអន្តរជាតិ១៨រូបមកពី៩ប្រទេសនិងធ្វើការប្រកួតនៅយប់ថ្ងៃទី១២នេះ កីឡាករ​-​កីឡាការិនី​ជាតិ និង​អន្តរជាតិ​ចំនួន​១៨​រូប មកពី​៩​ប្រទេស ដែល​ត្រូវ​ចូលរួម​ប្រកួត​ក្នុង​ព្រឹត្តិការណ៍​ប្រដាល់​ក្នុង​ទ្រង់​ទ្រាយ​ជា​លក្ខណៈ​អន្តរជាតិ One FC: Rise of the Kingdom បាន​ថ្លឹង​ទម្ងន់...Read more
កង្វល់១០ប្រការរបស់មនុស្សលោក 1.កង្វល់គ្រប់គ្រងផ្ទះ ២.កង្វល់គ្រប់គ្រង និងតត្រកូល ៣.កង្វល់ចង់បានលាភ ៤.កង្វល់ក្នុងការបង្រៀន ៥.កង្វល់ក្នុងការងារ ៦.កង្វល់ក្នុងការធ្វើដំណើផ្លូវឆ្ងាយ ៧.កង្វល់ដោយការថែរក្សាជម្ងឺញាតិ ៨...Read more
ខ្សឹបដាក់ពាង៖ សមត្ថកិច្ចខេត្តបន្ទាយមានជ័យកំពុងបើកដៃអោយឈ្មួញនាំម៉ូតូគេចពន្ធចូលស្រុកខ្មែរ ក្រុម​​ឈ្មួញ​បាន​ឃុបឃិតគ្នា​​ជាមួយ​សមត្ថកិច្ច​តាម​ព្រំដែន ​​នាំ​ចូល​ម៉ូតូគេច​ពន្ធ​​​ពីប្រ​ទេស​​ថៃចូល​​មកប្រ​ទេស​​កម្ពុជា តាម​ច្រករបៀង ​​ពី​មួយ​ថ្ងៃ​ទៅ​​មួយ​ថ្ងៃ មាន​ការនាំ ចូល​ម៉ូតូ​គេច​ពន្ធ​ទាំងនោះ ម...Read more
លោក ស៊ុយសែម នៅតែបន្តបើកដៃឱ្យ ហ៊ីបាវី មេកំពង់ផែស្វយ័តភ្នំពេញធ្វើអាជីវកម្មខ្សាច់ដោយមិនដេញថ្លៃ មាន​ការ​រិះគន់​ធ្ងន់ៗថា លោក ស៊ុយ​សែម​ ថ្នាក់​ដឹក​នាំ​ក្រ​សួង​រ៉ែ និង​ថាមពល នៅតែ​​បន្ត​បើក​ដៃ​ឱ្យ ​ ​ហ៊ីបា​​វី មេ​កំ​ពង់ផែ​ស្វ​យ័ត​ភ្នំពេ​ញ ​ធ្វើ​អាជីវកម្ម​ខ្សាច់​ដោ​យ​មិ​ន​ដេញថ្លៃ ដែល​ធ្វើ​អោយ​ក្រុម​អ...Read more
គេសង្ស័យថាក្រុមហ៊ុន ខូវអៀងឡាយ ចាក់ដីលុបប្រឡាយខុសច្បាប់ ដើម្បីសង់ផ្ទះល្វែងលក់ ប្រជា​ពល​រដ្ឋ​នៅ​ក្រុង​ភ្នំ​ពេញ​មាន​ការ​សង្ស័យថា ក្រុមហ៊ុន ខូវ អៀងឡាយ ស្ថិតនៅចំណុច ប្រឡាយលូប្រាំ ក្នុងភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ កំពុងសាងសង់​ផ្ទះ​ល្វែង​​លើ​ដី​ខុស​ច្បាប់ ខណៈក្រុម ហ៊ុន...Read more
លោក ចាបសុផារិទ្ធិ មេប៉ូលីសសេដ្ឋកិច្ចខេត្តបន្ទាយមានជ័យកំពុងតែផ្គើនបទបញ្ជារាជរដ្ឋាភិបាល លោក​ ​ ចាបសុ​ផារិទ្ធ មេប៉ូលីស​សេដ្ឋ​កិច្ច​ខេត្ត​បន្ទាយ​មាន​ជ័យ កំពុងតែ​សប្បាយ ក្នុង​ការប្រមូល​​លុយក្រោម​តុ​​ពី​​ក្រុម​ឈ្មួញរក​ស៊ី​នាំទំនិញខុស​ច្បាប់​​ចូល​ពី​ប្រ​ទេស​ថៃ​ មក​​កម្ពុជា​តាម​ច្រក​មួយ​ចំ​នួន...Read more
ម៉ូតូបុកម៉ូតូខ្ទាតទៅកណ្តាលផ្លូវត្រូវយីឌុបកិនពីលើបន្ត បណ្តាលឲ្យស្លាប់ម្នាក់ របួសម្នាក់ មនុស្សម្នាក់ត្រូវបានស្លាប់ និងម្នាក់ទៀតបានរង របួសធ្ងន់ត្រូវគេបញ្ជូនទៅសង្គ្រោះនៅមន្ទីរពេទ្យទាំងយប់ ក្រោយពីជួបគ្រោះថ្នាក់ចរាចរណ៍ រវាងម៉ូតូបុកជាមួយម៉ូតូ ហើយត្រូវរថយន្តយីឌុបកិនពីលើបន្ថែមទៀត កាលពីវេលាម៉ោង៦...Read more
ភ្ញៀវទេសចរណ៍ថៃជាង១៥០០នាក់ ចូលមកទស្សនាប្រាសាទអង្គរវត្ត និងពង្រីកពាណិជ្ជកម្មរបស់ខ្លួននៅកម្ពុជា ភ្ញៀវ​ទេសចរណ៍​ថៃ ដែល​ត្រូវបាន​គេ​ដឹងថា ជា​អាជីវករ​ចំនួន​១៥៦៦​នាក់ បានធ្វើ​ដំណើរ​មក​ទស្ស​នា និង​សិក្សា​ពី​ការធ្វើ​ពាណិជ្ជកម្ម​នៅ​ទឹកដី​កម្ពុជា ខណៈ​សហគមន៍​សេដ្ឋកិច្ច​អាស៊ាន​ជិត​ចូល​មកដល់​នាពេល​ឆាប់ៗ​ខាង...Read more
ក្រុម​ហ៊ុន​ សុខ​សំ​ណាង ​​កំពុងដឹកឈើលើស​ទម្ងន់បំផ្លាញផ្លូវថ្នល់ តាម​ប្រភព​ព័ត៌មានបានឲ្យដឹងថា ក្នុង​រយៈពេល​ប៉ុន្មាន​ឆ្នាំនេះ ក្រុមហ៊ុន សុខ សំណាង ដែល​ទទួលបាន​សិទ្ធិ រកស៊ី​ឈើ​ក្នុង​ទ្រង់ទ្រាយ​ធំ បន្ត​ពី​ក្រុមហ៊ុន ដា​តា រ៉ាប់​ប៊ើ និង​ក្រុមហ៊ុន ...Read more
  ស្វែងរកព័ត៌មាន តាមប្រតិទិន្ន
ចំនួនអ្នកទស្សនា
ថ្ងៃនេះ​      14449នាក់
ម្សិលមិញ    43302នាក់
សប្ដាហ៍នេះ    160933នាក់
ខែនេះ    544213នាក់
ឆ្នាំនេះ   1926445នាក់
សរុប   51286371នាក់
ថ្ងៃទី 29 ខែ 03 ឆ្នាំ 2024 ម៉ោង 12:16